الرئيسيةالأحداثاليوميةالمنشوراتمكتبة الصورس .و .جبحـثدخولالتسجيلللاتصال بنا

شاطر | 
 

 اللي هتروح تتجوز تركز معايا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
momenattea
الشريف العام
الشريف العام
avatar

ذكر الجوزاء الماعز
عدد المساهمات : 1339
النشاط : 13315
الاعجاب : 11
العمر : 26
العمل/الترفيه : اخصائي اجتماعي
المزاج : الحمد لله

23082013
مُساهمةاللي هتروح تتجوز تركز معايا




الموضوع منقول - كاتبة الموضوع:مى عبد الله


يسعد صباحكم أو مساءكم مش فارقة المهم يكون سعيد وخلاص , بمناسبة إننا داخلين على الصيف اللى معروف انه موسم الأفراح والليالي الملاح بنلاحظ إن
فى أى قاعدة بنات بينهن واحدة مقبلة على الزواج لازم تكون عاملة زى الحصالة اللى تتكبس بدل الفلوس معلومات ونصايح أشى اشربي ميه كتير عشان بشرتك و أشى روحى المحل الفلانى عشان الصينى والكوافير العلانى عشان شعرك , أنا بقى –وعن تجربة- عندى نصايح من نوع خاص شوية ودايما البنات بتغفل عنها ألا وهى الرياضة ,البنت من دول تهتم بالفستان و الموبيليا وخلافه وتنسى صحتها فالرياضة مهمة جدا فى الفترة دى بالذات .

أنا عايزة كل بنت داخلة على حياتها الجديدة تركز معايا شوية لأن الدنيا الجديدة دى لازم تجهزى نفسك لها وتمارسى الرياضة اللى هتساعدك كتير فى الايام الجاية ;  
اول حاجه الملاكمة علشان تعرفى تردى على تهريج البوابين اللى بيبقى فى الأول وبعد كده الرياضة دى هتساعدك كتير  كنوع من الدفاع عن النفس , نيجى لرياضة الجمباز ودى مهمة جدا خصوصا فى الأعمال الشاقة المؤبدة اللى هتتعرضى لها وهى من نوعية  أزاى تقفى عل أطراف صوابعك علشان تطولى اى حاجه بعيدة
أو تنضفى نجفة وانتى سانده رجل على كرسى والتانية فى الهوا , أما بقى رياضة الجرى هتنفعك لما يكون فى أولاد إن شاء الله ولا يمكن أن ننسى قفز الحواجز علشان تعرفى تقفزى فوق اللعب والحاجات الكتير المرمية على الأرض.

وأوعى تنسى الباليه هينفعك  لما تلاقي نفسك مكسلة تقومي تعملي اي حاجة في البيت ومكسلة حتي تكلمي البنت اللي بتيجي تساعدك لأنها هتفضل لوك لوك علي دماغك وفي الأخر هتنزل وتسيبك مصدعة; وساعتها يفضل انك تتعلمى مهارة تخطي الحواجز الترابية علي أطراف الأصابع وتريحى دماغك , لكن رياضة
الكنغ فو أهمهم علشان لو جوزك فكر يبلطج فى يوم من الأيام تعرفى تجيبى حققك بدل ما تحتاجى لمساعدات خارجية من الأهل والأقارب , أما رياضه النيشان مهمة أيضا علشان لو قل عقله واتجوز عليكى , أخيرا وليس آخرا رياضة اليوجا ودى علشان تقدرى تتنحى وتبقى هاديه وتكتسبى صفة اللامبالاة  بعد الكم الرهيب من الاستفزاز اللى هتشوفيه وكمان يبقى عندك القدرة على التفكير بعمق "هتخلصى منه ازاى" .

فى المقال ده حبيت اتبع منطق "حذرهم وخد ثوابهم "  عشان كل بنت مقبلة على الزواج متسرقهاش السكينة وبعد كده تكتشف إنها وقعت فى الفخ وعلى رأى المثل "متفكروش يا بنات ان الجواز راحة "ده غسيل وطبيخ ومسح وكنس ونفس غريب فى البيت بيتحكم ويتدخل فيما لا يعنيه ولكن "كله بالحب بيهون" ولذلك يا جماعة كلنا لازم نتجوز لان دى سنة الحياة وتكملة الدين بس اللى عنده طريقة تانية يكمل بها دينه يتوكل على الله.

انا اجتهدت فى الرياضات اللى مفروض الزوجة تتعلمها عشان تمارسها بعد الجواز ومش عايزة أكون عنصرية ولهذا فالباب مفتوح أمام الشباب ممكن يرسلوا نصايح وإرشادات ما قبل الزواج الخاصة بهم , وبالمناسبة عايزة اخص بالشكر ياسر الغندور و محمد عبد الرحمن على خفة دمهما فى  افكار "الرخامة"التى ارسلوها تعليقا على المقال اللى فات.
Maiabdallh_20@yahoo.com


..أسأل الله ان ينفع به سائر البشر..
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

اللي هتروح تتجوز تركز معايا :: تعاليق

لا يوجد حالياً أي تعليق
 

اللي هتروح تتجوز تركز معايا

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشريف نت :: الركن العام :: الحوار العام والدردشه-
انتقل الى:  

(الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا)سورة المائده